مشكلة تلعثم الكلام ولغبطته للشباب وحلولها
مشكلة تلعثم الكلام ولغبطته للشباب وحلولها
مجتمعنا مليان مشاكل واكيد في ناس بتحاول تعرف حلها واحنا هنا هنحاول نساعدك بقدر الامكان... ودي مشكلة من ضمن المشاكل/
انا عندي مر--ض او مش عارف اية الي عندي أصلا مفيش زيها في العالم كلوا وملقتشي ليا علاج
انا دلوقتي طالب في كلية التجارة سنة ٢ مشكلتي أبتدت من وانا في رابعة ابتدائي
هيا في الكلام يعني نطق الكلام يعني انا في وقت كده مبعرفشي اتكلم يعني مش بقدر اطلع الكلام الي عايز اقوله يعني هكون عايز اتكلم كده ومش بقدر اقولها في كده واقعد لمدة ١٠ ثواني كده او اكتر وانا بحاول اقول في الكلمة
وده مش علطول في كل الكلام في بعض منه بس يعني وانا بتكلم مش كل كلامي بيكون كده اوقات كده اثناء كلامي بيحصل كده علي فترات واكتر فترة ممكن يحصل فيها كده اول الكلام
وفي أيام واوقات بكون تمام فيها اوي وفية أيام كده مش
بعرف اتكلم خالص
وده مش مرتبط لحالتي المزاجية خالص يعني ممكن اكون مت--عصب اوي
وبتحصل ليا عق-دة نف--سية كتيير بسبب كده وفي بعض الأوقات بقعد ابكي مع نفسي وفية مدرسين اتر--يقت عليا كده وسط الفصل تخييل الموقف واني اقعد ادمع كده وانا في ٢ ثانوي
وانا أزهري وبصلي من صغري والحمد لله قريب من ربنا او يعني بحاول اكون كده وكنت بصلي بالناس في المسجد وصوتي حلو اوي الحمد لله
بس بعد ما حصلت ليا في وانا بصلي كده مرة بطلت اصلي تاني بالناس
تخيل بقا حجم الصعوبات الي بتعرض ليها وانا في السن ده
ممكن وانا بتكلم كده حد اول مرة يعرفني يضحك عليا
وبسبب كده مش بعرف اني اتعرف علي ناس كده او اقول الي عندي في الجامعة خصوصا
وأثناء المعهد مكنتش اقدر أجاوب ممكن مدرس يسالني ومبعرفشي ارد بظهر اني مش عارف فبتضرب
للعالم انا طول حياتي في المعهد الأزهري متوفق وكنت بطلع الأول او التاني
انا من اول ما حصل ده معايا من وانا في سنة رابعة ابتدائي وانا شغال بلف علي العلاج رحت دكاترة تخاطب وعملت جلسات كتبير ومفيش فايدة رحت لمشايخ من كتييييير ومشايخ مشهورة في مصر اوي يعني برضوا ومفيش عندي حاجة من س/حر ولا الشغل ده رحت لدكاترة مخ واعصاب وناس مشهورة مفيش عندهم حل رحت لدكاترة نفسية ومفيش حل برضوا
انا بتعالج لحد السنة الي فات ملقتشي فايدة بطلت اروح لاي حد تاني
انا دلوقتي الكويس انا صحابي معايا
لكن بعد ما اتخرج مش هعرف اتعامل ازاي مع الشغل والناس الي معايا وانا في سني ده تضحك عليا ومحدش هيرضي يوظفني اصلا لاني هدخل انترفيوا مش هقدر اتكلم
انا بذاكر وبجتهد وباخد كورسات لغة وكمبيوتر وبطور من نفسي
لكن حاسس ان قدامي مستقبل مظ--لم
قولوا ليا اعمل اية في الي انا فية ده؟؟
وجات بعض الردود زي:-
* داوو مرضاكم بالصدقه اسئل الله العظيم رب العرش العظيم ان يشفيك شفاء لا يغادر سقما عاجلا غير آجل آ والحمد لله والصلاة والسلام على رسول الله صلى الله.
* ربنا يصلح حالك وقول ربي احلل العقده من لساني ردد دعاء سيدنا موسي دايما وربنا يش رح ليك صدرك.
* خلي أملك في ربنا كبير واظب علي صلاه قيام الليل وربنا يشفيك.
* ربنا يصلح حالك وقول ربي احلل العقده من لساني ردد دعاء سيدنا موسي دايما وربنا يش رح ليك صدرك.
* خلي أملك في ربنا كبير واظب علي صلاه قيام الليل وربنا يشفيك.
* لما نفكر في البلاء لازم نشوف اللي بلاءه اصعب من ابتلاءاتنا ..شوف حواليك ممكن تشوف ناس عندها ابتلاءات اكتر منك بكتير وتسبب لهم عقد كبيرة ممكن تشوف حدا مثلا مشلول مو قادر يقوم او حدا مشوه مو قادر يوجه الناس بشكله او..او..او ..ابتلاءات الدنيا كتير ودرجات طبعا مو معنى كلامي تقليل معاناتك لاسمح الله بس انت طبيب نفسك ءامن بنفسك وبقدراتك شوف اللي مشاكلهم اعظم من مشكلتك حتى تهون عليك مشكلتك واتوكل على الله ولاتلتفت للناس الفاضية اللي ماالها شغل غير تقلل من غيرها.. الله معك.
* اصعب وارخم حاجه ف مجتمعنا التريقه والي انتشرت بغباء ف ايامنا دى بجد محزنه الناس مبقتش رحمه حد كله شايف نفسه ان الهم والتعب والمشاكل الي فيها دى محدش فيها ومحدش بقا بيحس بالي حواليه ولا بنفسيه الي قودامه ولا بقا ف احترام ومراعاه لظروف البنى ادم الي قودامه ده مجتمعنا وللأسف لازم تحاول تشتغل على نفسك كتير وسيب الناس تتكلم مش هكدب عليك واقولك انك هتبقا متبلد المشاعر هتيجى عليك فتره هتحس انك مش فارق معاك كلمهم وفتره هتلاقى النظره بتاثر فيك ادعى ربنا انه يكرمك وانت ازهرى كمان يعنى عارف كلام ربنا اكتر مننا ربنا يصلحلك حالك ويبعد عنك اي حاجه وحشه
* انت ممكن من كتر توترك من الموضوع بيحصل كدا معاك خصوصا انت بتقول انك مش ع طول كدا انت متحطش حاجه فى دماغك وظز فالناس واللى يتريق عليك تف فى وشه انت مش اقلل من اى حد عشان تخاف انك متلقيش شغل او تشوف مستقبلك مظلم انت خليك واثق من نفسك كدا واتكلم بقلب جامد وجرئ وهتلاقى الدنيا.
* ربنايشفيك انت تقدر تعالج نفسك تقبل نفسك كده ومفيش مشكله لما تهدى وتكون هادى وتاخد نفس قبل ماتتكلم وكل حاجه تمام وبعدين انت قول لنفسك الحمدلله انا احسن من غيرى انا يمكن بتلعثم شويه لكن قادر اتكلم الحمدلله انا عايزه اوصلك ان ربنا ابتلاك فاصبر علي بلائه بايمان ربنايشفيك وتكون احسن حد في كليتك ووتفوق وتتوظف في كارير كويس يحترمك فيه ويقدرط زمايلك وشغلك هو اللي يجبر الناس علي احترامك مش مشكلتك اللي هتحدد الناس تتعامل معاك باحترام ولا لا.
* بص انت موضوعك ممكن تكون شايفه معقد وصعب وانك فى دايره مقفوله مش هتطلع منها وشايف ان كل الحلول انتهت بس ده عندك وعند اى مخلوق ،بس عند الخالق الحلول كتير اوى اوى لدرجه ما تتخيلهاش والله، قرب منه قُرب المُحب قرب بقلبك واطلب كل اللى نفسك فيه وادعى وخليك فاكر ..ما خلق الله من داء إلا وخلق له دواء .مافيش حاجه اسمها مالهوش علاج مالقتش علاج من صنع البشر دور على العلاج الالهى تاجر مع ربنا تصدق اجبر خواطر فقراء صدقنى دا الطريق الوحيد اللى هتلاقى فيه نفسك وترتاح وسبحان الله انت جاى فى اول يوم فى العشر الأواخر ياعم الحل فى ايدك والله ،ربنا ان شاء الله هيشيفيك بس لو ظنيت فيه كدا هيديك على قدر ظنك بيه ، ربنا باذن الله هيشفيك.
* من راى المتواضع تبحث عن عمل خاص بالكمبيوتر ويكون شغلك كله على الكمبيوتر وتعاملك معالناس قليل لحد ما تتحاوز هذه العقبه نفسيا واصدقائك الثقه وعائلتك يكونوا هم المقربين عشان لا تشعر باى احراج.
* خليك واثق ف ربنا وف نفسك وشيل الكلام دا كله من دماغك وعيش حياتك بشكل طبيعي ومتحطش ف دماغك ان دا عيب فيك انت واحد ناجح ومتفوق وبإذن هتتخلص من الموضوع دا خالص بس اهم حاجه متقنعش نفسك بأن دا عيب فيك.
* ده على اساس ان كل الناس كاملة مكملة وانت الوحيد اللى (( شايف نفسك )) عندك نقص ؟!!! احمد ربنا .. انت عندك لبخة في الكلام موجودة عند ناس كتير جدا .. انا اعرف واحد كان عنده لبخة فى الكلام والدغ وكمان كان عنده خنفة شديدة فى معظم الحروف .. ورغم كدا اتخرج من كلية الهندسة بتفوق وتقدير عالى السبب الاساسى فى مشكلتك هو نظرتك لنفسك مش نظرة الناس ليك .. خليك عندك ثقة فى نفسك اكتر من كدا .. اعاقتك فى تفكيرك مش فى جسمك .. ابحث على النت عن نيكولاس فوجيسيك وانت تحمد ربنا على نعمه عليك تحياتى.
* دا تلعثم بس دخل معاك فى حاله نفسيه وسهل التعامل معاه واكيد اخصائى التخاطب فهمك ازاى تتعامل معاه وللعلم فيه ناس من المشاهير عندهم نفس حالتك والامور تمام انت بس محتاج تتعامل مع حالتك صح ومحتاج تتابع مع اخصائي تخاطب وطبيب نفسى وان شاء الله امورك هتكون تمام وان شاء الله أجر وعافية.
* متيأسش دا رقم واحد وطبعا خلى املك فى ربنا قبل اى شيء انك هتلاقى الناس اللى يقدروك ويدفعوك بالطاقه الايجابيه . اى حد ايآكان مين قالك كلمه تدايقك اى حاجه تيأسك مش هقولك ابعد عنه واقطع علاقتك بيه بس هقولك ابعد شويا وحسسه انك فى نعمه وان اللى عندك دا من عند ربنا مش بايدك لان فى ناس كتير عمرها ما هتفهم كدا انت بتقول انك بتصلى وعارف ربنا الجئ لربك وقرب من الناس اللى طول عمرها شيفاك احسن وموضوع الشغل لو ربنا موافقكش فى شركه معينه اكيد هتلاقى غيرها وهتلاقى اللى يقدر شغلك اهم حاجه متيأسش ربنا هيعوضك بالخير ركز فتعليمك ومستقبلك وربنا يجعلك كل خير.
* ادينا في العشرة الأواخر من رمضان ادعي واستغفر في وقت السحر وبإذن الله بإذن الله هتنزل هنا على الجروب إنك اصبحت أفضل بإذن الله ثاني حاجه بلاش تخاطب نفسك بالسئ دا بيأثر برضوا اللي يخطر على بالك إنك مش هتعرف تنطقه قول لأ هعرف ثق في نفسك وإن شاء الله ربنا يرزقك كل خير
* حبك نفسك وطريقه كلامك واللي يتريق عليه رد عليه بقلب جامد متخليش حاجه تاثر عليك مهما حصل وارجع صلي زي الاول واقراء قران كتير واحفظ مفيش حد بيحفظ قران وبيستمر عليه مش بيحسن في كلامه بالعكس هيخليك تعرف تتكلم حلو اوووي واخيرا حب نفسك زي ما انت وهتلاقي اللي يحبك واجتهد زي ما انت وهتلاقي وظيفه تليق بيك ربنا اسمه العدل ربنا مش بيظلم احد.
* استهدي بالله يمكن ف حاجه مضيقاك من صغرك انا اللي اعرفه معظم الحالات دي بتبقي نفسيه ضغوط بقي مواقف متراكمه اين كان انت بس حاول وانت بتكلم ماتركزش ف الحوار عشان مايحصلش كتر التفكير ف الحاجه بتحصل حاول تتكلم كتير مع ناس تعرفهم وحاول اتعامل طبيعي ولو الحاله بدات تيجي اهدي خالص واستعين بالله وباذن الله ربنا يعفو عنك وحاول تطلع صدقه يمكن ربنا يجعلها خير ليك وده ابتلاء من حب ربنا ليك وافتكر اللي ربنا بيحبه بيبتليه وربنا معاك.
* اصعب وارخم حاجه ف مجتمعنا التريقه والي انتشرت بغباء ف ايامنا دى بجد محزنه الناس مبقتش رحمه حد كله شايف نفسه ان الهم والتعب والمشاكل الي فيها دى محدش فيها ومحدش بقا بيحس بالي حواليه ولا بنفسيه الي قودامه ولا بقا ف احترام ومراعاه لظروف البنى ادم الي قودامه ده مجتمعنا وللأسف لازم تحاول تشتغل على نفسك كتير وسيب الناس تتكلم مش هكدب عليك واقولك انك هتبقا متبلد المشاعر هتيجى عليك فتره هتحس انك مش فارق معاك كلمهم وفتره هتلاقى النظره بتاثر فيك ادعى ربنا انه يكرمك وانت ازهرى كمان يعنى عارف كلام ربنا اكتر مننا ربنا يصلحلك حالك ويبعد عنك اي حاجه وحشه
* انت ممكن من كتر توترك من الموضوع بيحصل كدا معاك خصوصا انت بتقول انك مش ع طول كدا انت متحطش حاجه فى دماغك وظز فالناس واللى يتريق عليك تف فى وشه انت مش اقلل من اى حد عشان تخاف انك متلقيش شغل او تشوف مستقبلك مظلم انت خليك واثق من نفسك كدا واتكلم بقلب جامد وجرئ وهتلاقى الدنيا.
* ربنايشفيك انت تقدر تعالج نفسك تقبل نفسك كده ومفيش مشكله لما تهدى وتكون هادى وتاخد نفس قبل ماتتكلم وكل حاجه تمام وبعدين انت قول لنفسك الحمدلله انا احسن من غيرى انا يمكن بتلعثم شويه لكن قادر اتكلم الحمدلله انا عايزه اوصلك ان ربنا ابتلاك فاصبر علي بلائه بايمان ربنايشفيك وتكون احسن حد في كليتك ووتفوق وتتوظف في كارير كويس يحترمك فيه ويقدرط زمايلك وشغلك هو اللي يجبر الناس علي احترامك مش مشكلتك اللي هتحدد الناس تتعامل معاك باحترام ولا لا.
* بص انت موضوعك ممكن تكون شايفه معقد وصعب وانك فى دايره مقفوله مش هتطلع منها وشايف ان كل الحلول انتهت بس ده عندك وعند اى مخلوق ،بس عند الخالق الحلول كتير اوى اوى لدرجه ما تتخيلهاش والله، قرب منه قُرب المُحب قرب بقلبك واطلب كل اللى نفسك فيه وادعى وخليك فاكر ..ما خلق الله من داء إلا وخلق له دواء .مافيش حاجه اسمها مالهوش علاج مالقتش علاج من صنع البشر دور على العلاج الالهى تاجر مع ربنا تصدق اجبر خواطر فقراء صدقنى دا الطريق الوحيد اللى هتلاقى فيه نفسك وترتاح وسبحان الله انت جاى فى اول يوم فى العشر الأواخر ياعم الحل فى ايدك والله ،ربنا ان شاء الله هيشيفيك بس لو ظنيت فيه كدا هيديك على قدر ظنك بيه ، ربنا باذن الله هيشفيك.
* من راى المتواضع تبحث عن عمل خاص بالكمبيوتر ويكون شغلك كله على الكمبيوتر وتعاملك معالناس قليل لحد ما تتحاوز هذه العقبه نفسيا واصدقائك الثقه وعائلتك يكونوا هم المقربين عشان لا تشعر باى احراج.
* خليك واثق ف ربنا وف نفسك وشيل الكلام دا كله من دماغك وعيش حياتك بشكل طبيعي ومتحطش ف دماغك ان دا عيب فيك انت واحد ناجح ومتفوق وبإذن هتتخلص من الموضوع دا خالص بس اهم حاجه متقنعش نفسك بأن دا عيب فيك.
* ده على اساس ان كل الناس كاملة مكملة وانت الوحيد اللى (( شايف نفسك )) عندك نقص ؟!!! احمد ربنا .. انت عندك لبخة في الكلام موجودة عند ناس كتير جدا .. انا اعرف واحد كان عنده لبخة فى الكلام والدغ وكمان كان عنده خنفة شديدة فى معظم الحروف .. ورغم كدا اتخرج من كلية الهندسة بتفوق وتقدير عالى السبب الاساسى فى مشكلتك هو نظرتك لنفسك مش نظرة الناس ليك .. خليك عندك ثقة فى نفسك اكتر من كدا .. اعاقتك فى تفكيرك مش فى جسمك .. ابحث على النت عن نيكولاس فوجيسيك وانت تحمد ربنا على نعمه عليك تحياتى.
* دا تلعثم بس دخل معاك فى حاله نفسيه وسهل التعامل معاه واكيد اخصائى التخاطب فهمك ازاى تتعامل معاه وللعلم فيه ناس من المشاهير عندهم نفس حالتك والامور تمام انت بس محتاج تتعامل مع حالتك صح ومحتاج تتابع مع اخصائي تخاطب وطبيب نفسى وان شاء الله امورك هتكون تمام وان شاء الله أجر وعافية.
* متيأسش دا رقم واحد وطبعا خلى املك فى ربنا قبل اى شيء انك هتلاقى الناس اللى يقدروك ويدفعوك بالطاقه الايجابيه . اى حد ايآكان مين قالك كلمه تدايقك اى حاجه تيأسك مش هقولك ابعد عنه واقطع علاقتك بيه بس هقولك ابعد شويا وحسسه انك فى نعمه وان اللى عندك دا من عند ربنا مش بايدك لان فى ناس كتير عمرها ما هتفهم كدا انت بتقول انك بتصلى وعارف ربنا الجئ لربك وقرب من الناس اللى طول عمرها شيفاك احسن وموضوع الشغل لو ربنا موافقكش فى شركه معينه اكيد هتلاقى غيرها وهتلاقى اللى يقدر شغلك اهم حاجه متيأسش ربنا هيعوضك بالخير ركز فتعليمك ومستقبلك وربنا يجعلك كل خير.
* ادينا في العشرة الأواخر من رمضان ادعي واستغفر في وقت السحر وبإذن الله بإذن الله هتنزل هنا على الجروب إنك اصبحت أفضل بإذن الله ثاني حاجه بلاش تخاطب نفسك بالسئ دا بيأثر برضوا اللي يخطر على بالك إنك مش هتعرف تنطقه قول لأ هعرف ثق في نفسك وإن شاء الله ربنا يرزقك كل خير
* حبك نفسك وطريقه كلامك واللي يتريق عليه رد عليه بقلب جامد متخليش حاجه تاثر عليك مهما حصل وارجع صلي زي الاول واقراء قران كتير واحفظ مفيش حد بيحفظ قران وبيستمر عليه مش بيحسن في كلامه بالعكس هيخليك تعرف تتكلم حلو اوووي واخيرا حب نفسك زي ما انت وهتلاقي اللي يحبك واجتهد زي ما انت وهتلاقي وظيفه تليق بيك ربنا اسمه العدل ربنا مش بيظلم احد.
* استهدي بالله يمكن ف حاجه مضيقاك من صغرك انا اللي اعرفه معظم الحالات دي بتبقي نفسيه ضغوط بقي مواقف متراكمه اين كان انت بس حاول وانت بتكلم ماتركزش ف الحوار عشان مايحصلش كتر التفكير ف الحاجه بتحصل حاول تتكلم كتير مع ناس تعرفهم وحاول اتعامل طبيعي ولو الحاله بدات تيجي اهدي خالص واستعين بالله وباذن الله ربنا يعفو عنك وحاول تطلع صدقه يمكن ربنا يجعلها خير ليك وده ابتلاء من حب ربنا ليك وافتكر اللي ربنا بيحبه بيبتليه وربنا معاك.
ليست هناك تعليقات